Тыдзень геаграфіі
З 8 па 13 красавіка прайшоў Тыдзень геаграфіі
География- не скука,
С ней нам очень интересно.
География- наука,
Это с древности известно.
Згодна плана метадычнай работы на 2018/2019 навучальны год з 8 па 13 красавіка 2019 года ў школе прайшоў Тыдзень геаграфіі, мэтай якога было вучыць прымяняць веды, набытыя на ўроках геаграфіі; прывіваць навыкі самаадукацыі, самаўдасканалення; абуджаць у дзяцей жаданне пазнаваць навакольны свет, фарміраваць экалагічную культуру, выхоўваць патрыятычныя пачуцці. Адказным за правядзенне Тыдня быў настаўнік геаграфіі Кавалевіч Галіна Іванаўна. Кожны дзень Тыдня быў цікавым, змястоўным і займальным.
Пачаўся Тыдзень агульнашкольнай лінейкай, адкрыццём тыдня “Свята пазнанняў і надзей”. Таксама ў гэты дзень прайшла развіваючая гульня “Умники и умницы”.
У аўторак 9 красавіка праведзены конкурс крыжаванак і рэбусаў, а таксама знаёмства з экалагічнай выставай “Запаведнымі сцежкамі Беларусі”.
У сераду навучэнцы 7-9 класаў сталі ўдзельнікамі інтэлектуальна-пазнавальнай гульні”Знаўцы геаграфіі” і сваёй гульні “Падарожжа па геаграфіі”
У чацвер для вучняў 6-7 класаў праведзены інтэлектуальны турнір “Мая Дзяржыншчына: учора, сёння і заўтра”, а таксама конкурс на самы лепшы калаж “Мой край”.
12 красавіка, у пятніцу, для старшакласнікаў праведзена геаграфічная віктарына “Зямля-наш агульны дом” і праведзена акцыя “Квітней Беларусь!”
Тыдзень завяршыўся ў суботу захапляючай квест-гульнёй ”Кругасветная вандроўка”, дзе на 5 станцыях 3 каманды выконвалі розныя заданні. На станцыі “Беларусь”- збяры Беларусь у сваім сэрцы (пазлы карты Беларусі); на станцыі “Па слядах вялікіх даследчыкаў”- сярод літаравай путаніцы расшыфраваць прозвішча знакамітых даследчыкаў; на станцыі “Падарожжа ў прасторы”- разгадаць геаграфічныя анаграмы; на станцыі “Самае, самы, самая. самыя”- адказаць на пытанні і на станцыі “Краіны і іх сталіцы”- вызначыць краіны і іх сталіцы, выкарыстоўваючы іх геаграфічныя адрасы.
На школьнай лінейцы былі падведзены вынікі Тыдня. За актыўны ўдзел у Тыдні геаграфіі вучні, актыўныя ўдзельнікі атрымалі падзякі і сертыфікаты на 9 і 10 балаў.
